V Tempo - «Giugnettu di lu Signuri»
Poesia: Li Gnocculi cu L'Agghia

La 'za Cicca avia sempri la stagghia
quannu facia gnocculi cu l'agghia,
sti gnocculi idda li facia a manu
e sinni ia quasi un ghiornu sanu.
Li stinnigghiava supra un tavuleri
li lassava dda beddi ad asciucari,
li cucinava a ligna cu lu quararu
li sculava ntra lu maccarrunaru.
Li cunzava ntra nna nzalatera
e taliava ancora si cinn'era,
misa di facci a facci a sò maritu
c'era di liccarisi lu iritu.
Va beni chi tantu travagghiai
però maritu meo quantu scialai!

Lina Clorofilla