|
Ed ecco due interessanti recite a soggetto, in versi dialettali, del poeta vernacolista pacecoto Guglielmo Castiglia.
Giugnu veni rirennu e ni prumetti
di farini na bedda divirtuta
taliannu la campagna si diverti
d'un mantu d'oru la viri vistuta,
niatri l'accugghiemu a vrazza aperti
cu na fauci nmanu rugginuta;
cu nmarda, cu al'apperi e cu carretti
ognunu parti pi la sņ tinuta.
Pari ch'č festa stratuna, stratuna
ogni matina nta li primi arburi
mentri lu suli cu i sņ raggi duna
gran forza e lena ad'ogni mitituri,
si senti di luntanu na canzuna
cu noti beddi, paroli d'amuri;
omini, vecchi, fimmini e garzuna
sunnu nta na surgenti di suduri.
Ma un sentinu stanchizza nč suduri
metinu tutti cu granni alligria
mancu si duna cuntu a lu caluri
na larma ventu c'č chi frisculia,
mentri la vuci di lu liaturi
porta lu vinu ci dici: Lucia;
e tutti ncoru cu tonu d'amuri
gridamu forti ddu Viva Maria.
Sintennu dda scialoma, dda vuciata
si metti a la campagna l'armunia
la Marunnuzza cuntenti e priata
rirennu ni fa puru cumpagnia,
la sira n'accumpagna pi la strata
ddu duci sonu di l'Avimaria
e la stanchizza di tutta l'annata
la fa passari giugnu e cusģ sia.
|
e-mail -
