III Tempo - «Ciuri di San Giuseppi»
Poesia: "San Giusippuzzu"

«San Giusippuzzu si susiu matinu,
pi fari un sirvizzeddu a manu a manu.
Si pigghia l'ascia, la serra e lu filu
e lu bambinu pi la manu.

Arrivatu 'nta un beddu jardinu
cci dissi: figghiu, sirramu sirramu
chi lu primu carrineddu e'abbuscamu
nni lu manciamu nui chi djunamu.

Passa e passa n'aceddu divinu.
Lu bambinu lu vulia 'nmanu.
San Giusippuzzu lu stancu mischinu,
pigghia l'aceddu e cci lu metti 'nmanu.

Cci fici na nacuzza 'a l'arvuliddu
pi sentiri lu cantu di l'aceddu.
Cu passa e spassa cci dici cu è chiddu?
Lu figghiu di Maria Sarvatureddu!»