II Tempo - «Il Carnevale ieri e oggi»
Poesia: Carnivalati Trapanisi

Veni Cannalivari
pi ridiri e scialari,
ciuciulia, curri e canta:
poi unn'asisti cchiù!
Mascari fausi e veri
'ntrizzanu sceni e balli.
'A vita allegra cori
ma tu si sempri tu!
Peppi Tabbobbu e 'u mutu
cu lanni e tammurina,
facianu manicomiu du diavulu
ogni matina.
Sfuttennu a chistu e chiddu:
lu putenti e piricuddu!
A Loggia si inchìa di mascarati,
'a cunchigghia sunava sirinati.
Lu purparu vuccuna 'nzuccarati
e li azzùna ca bozza strati strati.
N'annàta poi ci fu Catarina
scinnùta di la varca a la Marina.
Cu lu Nannu liggìa 'u tistamentu,
smuvennu li so' vertuli purtentu.
Tocca lu Sinnacu, la distruzioni,
li buca, li munnizzi e li 'ntrallazzi.
E mentri li biddizzi brasiliani
arruspigghianu li pisci cchiù strani
Cannalivari veni. Cannalivari và.
Ma i Mascari un sinn'eru:
restanu sempri ccà

Giuseppe Ingardia