PALERMU 7 OTTOBRE 1986

Palermu inorridisci
pi 'stu dilittu atroci,
la genti nun capisci
'ssi gran besti feroci!
Lu sangu d'un nuzzenti
ni macchia 'sta citati
e la liggi é 'mputenti
contra 'ssi sciagurati !
Chi mafia preputenti,
chi gran degenerati !
Rimorsu cchiù nun senti
chi morsi ogni pietati !
Chianci Palermu chianci
si mai ti fussi 'llusa
Cu 'ssa genti ci manci ?
Cu 'ssa genti dannusa
vigliacca e senza cori ? !
Oh Palermu gluriusa
cu 'ssa genti ci mori !
Cu 'ssa genti dannusa !