L'AUTRU JOCU

Doppu la scola, nna la vecchia strata,
di 'napocu picciotti da cuntrata;
fimminazzi cu masculi ammiscati,
'dda palla n'abbuscava gran pirati!
Du' petri eranu 'a porta, 'na vuciata,
tri fischi e cuminciava la jucata,
ma 'na vota p'un tiru di Pippinu,
la palla nni scuppau dda 'nno jardinu,
'n on furmini si capita 'na scala,
ma cu ci acchiana, ma cu si cci cala?
Cun savutu jà fui supra lu muru
e Già mi rissi: aspetta vegnu puru !
Calai 'mpescia la scala 'nno jardinu
e quariava sintennula vicinu;
pigghiu la palla, ci 'a tiru nna strata
e prestu 'ntisi la prima pirata:
Passa, passala a mmia gran disgraziatu !
E di niatri s'avìanu scurdatu !
Nni truvamu dda suli 'nne viali
e subbitu pinsai pivveru a mmali;
c'era 'n adduri stranu, 'na friscura
c'ammitava l'istintu di natura!
La 'ncasciai forti a mmuru ch'era un focu
e ni 'mparamu prestu 'n autru jocu !