(sul motivo di la Pampina di l'aliva)
E la Zattira di Babbeli
di Babbeli la Zattirà !
Veni la genti si cci siddia,
la cutulia e poi si nni va !
Ma lu statu ci runa lu vagnu
e cu lu vagnu la via si fa !
Chi Tatò lu 'mpurtanti cumpagnu
a so' figghia scialari la fa !
Lu Turismu ci runa lu vagnu
e cu lu vagnu a galla idda sta..!
Rici la genti: granni varagni;
chi varagni cu chissu di cca !
Iddi allegri si fannu li bagni
e miliardi nni vennu a custa' !
Lu cumuni ci runa lu vagnu
(mentri cu nui si mustra taccagnu)
e la Zattira o' Munti si sta!
La Reggioni ci runa la mazza
e la Zattira cu 'sta bunazza
poi e poi mai si sposta di cca !
Cci vulissi 'na gran vuciatazza
pi mannarili a chissi di cca !
E la Zattira di Babbeli
di Babbeli la zattirà !
La Tatò cu li posi chi pigghia
pari la Duse nna lu sofà,
ma però resta sulu na figghia;
bbona figghia d'un caru papà !
E' Quartucciu lu gran capitanu
chi la Zattira fa naviga' !
Vali picca pi mia 'stu christianu
mancu a un litru sappi arriva' !
E c'è puru un prodottu nostranu;
Minibiunnu chi l'ascaru fa
e cci teni lu mocculu 'n manu
e 'na pocu di chissi di cca !
E la Zattira di Babbeli
di Babbeli la Zattirà !
Cca 'n Sicilia truvau lu meli
e nun si movi chiui di cca !
|
e-mail -
