LAMENTU DI PICCIOTTU

Matri picchi mi facisti 'sti viazza
si nun mi voli nuddu a travagghiari ?
Matri picchi tu mi tinisti 'm miazza
e tantu tempu mi rasti a sucari
si poi risultu inutili a 'stu munnu
chi mi passau già l'ana di campari ? !
E tanti voti pensu e mi cunfunnu
e cchiù nun sacciu mancu arraggiunari !
Quannu sturiava a nuddu era sicunnu;
cu sessanta mi sappi diplomari,
di fronti a lu sirvizzu 'un mi cunfunnu
e 'n tanti cosi mi sacciu arranciari
li jorna di vinnigna picca sunnu
ci pigghiu sulu i sordi pi fumari
e mi nn'issi luntanu di 'stu munnu
chi nun sapi e nun mi vol'apprizzari !
Oh genti s'addiventu macabbunnu
nun vi nn'aviti poi a maravigghiari !