LA LUNA VOLI LA PARITA’

Sugnu stanca di fari a risirvata,
lu Suli voli sempri cumannari,
mi sentu comu fussi cunnannata,
l’allustru d’iddu tuttu fa ´gghiurnari.

Gesù, puru iu sugnu criatura
e nun m’agghiuttu sta disparità;
anchi a sti tempi servu la natura
puru la matri di mia si nni fa.

Poi nun parlamu di li nnamurati,
ci tegnu la cannila a tutti l’uri,
lu marinaru li pisci avi allustrati;

Vestu d’argentu tutta la nuttata,
e s´un ci sugnu lu celu è ncarugnutu,
perciò, Gesù, cunzola st’addisiata:

metti supra un piattu sta buntà, vogghiu la liggi di la parità.