V Tempo - «Giugnettu di lu Signuri»
 Indovinelli

INDOVINELLI
Vinni a lu munnu, ni fu nutricatu.
Fu tagghiatu cu cura e cu consigghiu.
Attaccatu, a lu munti fui purtatu
battutu, carpistatu cu bisbigghiu.
Li spini 'ntesta, lu ciancu spaccatu,
calò lu coddu comu siccu gigghiu.
Duna alimenti all'omu, ed è circatu
ma di l'eternu Patri nun è figghiu!

Vitti 'na donna prena e beni stava.
Figghiannu un figghiu masculu facia.
Doppu la vitti ca lu vattiava
e fimmina di nomu ci mittia.
Di fimmina arrè masculu turnava.
Dava la vita all'omu e poi murìa

LA PAROLA AL... GRANO
Io primu cu la grazia di Diu
mantegnu l'omu saziu e virmigghiu.
Siddu a la mensa nun ci sugnu ju
ogni pirsuna si metti 'mbisbigghiu.
Pi chista grazia chi m'ha datu Diu
la terra è matri e jò cci sugnu figghiu.
Li tri curuni li meritu ju
'na rosa 'nmanu, 'na scocca di gigghiu!