La storia, di l'antichi e' nostri jorna,
esti storia ricchissima di corna !
A nostru patri Adamu, primamenti,
li corna ci li fici lu serpenti.
Pasasnnu di l'ebraicu a lu paganu;
Veniri ci nni fici a diu Vulcanu
cu Marti, Anchisi 'un sacciu quanti ancora
ch'a cuntalli m'mamnca la parola!
Ed Elina di Sparta a Menelau
pi dieci anni li corna ci chiantau.
E Clitinnéstra a lu re Caminnùni
ci fici corna quant'un gran timpuni,
anchi a Socrati, re di li sapienti,
li corna ci li fici lu sturienti.
Lisciannaru, lu granni culattuni,
appi fatti li corna d'Efestuni.
A Cesari; lu granni 'mperaturi
ci fici pur'i corna un gladiaturi !
Cosi scritti di Liviu e Senofonti
e cunfurtati di tant'autri fonti.
Ed a Claudiu l'ardenti Messalina
li corna ci facia sira e matina
e tanti voti puranchi a mezzjornu
cu quarchi pretorianu du contornu !
Passannu prestu a li tempi muderni
di corna putissi inchiri quaterni :
Giusippina a lu primu Napuliuni
ci fici pur'i corna c'un garzuni.
E la bedda riggina Margherita
cu lu Carducci ci nni fici vita!
E foru corna pivveru regali,
tipici di palazzu Quirinali
dunni tra 'ddi culunni e 'ddi cantuna
ci crisceru li corna a li liuna !
E Verga ci nni fici a Rapisardi
comu si fa tra veneti e 1ombardi !
E la bedda Marchisa Rudinì;
su1'a D'Annunziu, ma ci rissi : si !
E dopu chi liggisti tanta storia
'mparasti chi li corna sunnu gloria
e privileggiu di genti 'mpurtanti
e si nn'addonta sulu lu 'gnuranti !
|
e-mail -
