GUTTUSU E LU PATRETERNU

Quannu chi Guttusu morsi
fu scantànnusi du 'nfernu,
chinu di tanti rimorsi,
chi ci rissi o' Patreternu :
« Eccu cca li me' piccati,
pi vintanni appi l'amanti,
praticai li mali strati,
appi jò troppu cuntanti,
ma mi rasti i manu d'oru,
l'occhiu finu 'u cori ranni
chi fruttavanu un tisoru,
fu 'cussì, gran Patri ranni,
chi pruvai jò tintazzioni
e, joricu, fu furtuna
chi nun appi l'ambizzioni
di vuliri puru 'a luna!
Un piccatu sulu 'un fici :
di li massi 'un mi scurdai
di li tanti chi 'nfilici
stannu sempri 'ntra li vai !
Ci tistiau lu Patreternu
la gran varva s' allisciau :
Pararisu oppuru 'nfernu ?
- Lu mustazzu s'arricciau - :
« Beh, l'amanti ognunu l'avi
su' vini ali li rinari,
ma la cosa veru gravi
chi mi fa tantu pinsari
e ci pensu jornu e notti
è chi nun si po' sarvari
mai cu prattica Andreotti !