PROCONSOLO

Cavarcannu 'u disimpegnu
chiddu granni e vivu 'ncegnu
di lu Cònsulu ti scrivi
un libbrettu chi liggivi
schifatissimu e 'ncazzatu
pi lu stili assai 'llittratu
fìnu, fìnu e strafuttenti
chi pirò nun dici nenti !
Anchi tu segui la mora
ch'esti chidda chi c'è ora!
Jà 'na cosa t'haiu a ddiri
'un m'importa s'un mi chiri :
Cu nun è quaquaraquà
lu riscursu so' lu fa
senza posi di sciommiottu;
cosa 'ndegna d'omu dottu !