AVIA NNA QUARTAREDDA E SI RUMPIU

La quartaredda supra nna balata
araciu araciu sempri iu pusava,
supra ci mittia la cannata
stannu attenta cunni la ciaccava.

Un jornu ivi all'acqua a la funtana
c'era ventu trarituri a tramuntana
tirannula di mmanu mi cariu
e tutta pezza pezza si rumpiu.

Arrivai ncasa tutta scunzulata
paria chi mi parlava dda cannata;
me matri, quannu mi vitti arritirari,
mi dissi: Sà quanti lacrimi agghittari.