Trapani Nostra.it - L'archivio della memoria di Trapani e provincia                                  Martedì, 29 Aprile 125
PER NON DIMENTICARE - PER NON DIMENTICARE - PER NON DIMENTICARE - PER NON DIMENTICARE - PER NON DIMENTICARE
Il Premio Letterario "ANTONINO VIA" è stato ideato e realizzato dal poeta Nino Barone in stretta collaborazione con Stefania Via
CON IL CONTRIBUTO DEL COMUNE DI TRAPANI, DEL COMUNE DI ERICE E DELL'UNIONE MAESTRANZE


COMPONENTI
DELLA GIURIA

Anna Burdua
Presidente
Direttrice Biblioteca
di Erice

Gino Adamo
Poeta

Alberto Criscenti
Poeta

Mattia Cavasino Badalucco
Poetessa

Giuseppe Ingardia
Giornalista pubblicista, cultore di tradizioni popolari, lingua
e poesia siciliana

Vito Lumia
Poeta e studioso della lingua siciliana

Beatrice Torrente
Poetessa


Finito di Stampare dalla
Tipografia GENNA
Settembre 2008

precedente
successiva
Menzione d'onore (sezione dialetto siciliano)
QUANNU C'ERA ME NANNU JACHINU

Quannu c'era me nannu Jachinu
si usavanu li scarpi cu l'ugna;
lu cappeddu cu lu pilu finu
e nun c'era ssu scùcchiu e ssa rugna.
A ddi tempi 'un avennu chiffari
si curcàvanu prestu, cu 'i stiddi
e pinzàvanu sulu ad amari…
e nascìanu chiossai picciriddi.
Quannu c'era na festa 'n-famigghia
si facìanu li cosi cu amuri…
c'era sempi na gran maravigghia
e passavanu chiù allegri li uri.
E a postu di la televisioni
si taliavanu li ùmmiri a muru
pirchì 'un c'era ssa granni nvinzioni
e 'u travagghiu era puru chiù duru.
Quannu c'era me nannu Jachinu
c'era 'u lumi e mancava la luci
nta li vutti era bonu lu vinu
e li cosi parianu chiù duci.
Ora nveci c'è carni c'è pisci
li cristiani su' tutti malati
pirchì màncianu e nuddu capisci
chi li cosi su' tutti trattati.
A ddi tempi nun c'era ssu lussu
cu na vesta si jìa a tutti banni
si pittavanu sulu lu mussu
e un vistitu durava vint'anni.
Ora nveci lu càncianu spissu
pirchì cùrrinu appressu a l'usanza
li picciotti chi nun fannu chissu
su' sparrati…e la genti li scanza.
Quannu c'era me nannu Jachinu
si durmìa cu la porta abbutata
si susìanu a li tri di matinu
travagghiannu pi tutta 'a jurnata.
E li ziti nun eranu scioti
nun ci stavanu misi vicinu
si vidianu ammucciuni…a li voti
aspittannu ddu jornu 'u Parrinu…
pirchì doppu nisciuti di 'n-Chiesa
si putìanu canùsciri boni…
sulu tannu la spina e la presa
l'attaccavanu senza custioni.
Ma me nannu era sempi cuntentu
travagghiava ogni jornu cu lena
senza fari nuddu lamentu…
di sti tempi mi veni la pena.

Giovanni Andrea Marino
Marsala (TP)


precedente
successiva

E-mail e-mail - redazione@trapaninostra.it