Nella spendida cornice della sala consiliare del Comune di Trapani sita all’interno del Palazzo Cavarretta, alla presenza di una folta schiera di poeti, del Presidente della Provincia (Katia Bucaria) tra gli ospiti presenti il Presidente dell’Unione Maestranze e tanti altri personaggi trapanesi, si è celebrata la presentazione del libro della poetessa Palma Mineo, organizzata dal poeta Nino Barone.
Lu parlari sciotu di la terra mia,
mi pari tra li tanti lu chiù beddu;
lu sentu comu duci miludìa,
armuniusu comu cantu di ‘n aceddu.
E provu gran duluri nta lu pettu
pinsannu chi ora vinni abbannunatu;
cca, nun si parla chiù di stu dialettu
e quasi pi vivogna sta di latu!
E tu, Sicilia mia, mi chianci appressu
virennu chi à nuddu fa ‘mprissioni;
certu, è puru curpa d’‘u prugressu,
si squagghia comu cira ‘n prucissioni.
Lu picciriddu spissu è amminazzatu
si parla cu ‘i cumpagni ‘n sicilianu,
pari avissi fattu un gran riatu,
scurdannu di parlari in “italianu”.
Ma pi furtuna, stiornu comu aeri,
chini d’amuri e cu tantu ‘ntillettu,
nàscinu figghi saggi e battaggheri,
chi ancora dannu forza a stu dialettu.
INTERVENTO di ALBERTO CRISCENTI
PARLANNU CU LU ME DISTINU DECLAMA MAURILIO SAVONA
video
Mi vinni assira la malincunìa
e cu la rabbia dissi a ‘u me distinu:
“pirchì, dimmillu, tu ci l’ài cu mia?”
Chiancennu m’abbrazzai lu cuscinu.
Appena nuzzintedda e fu turmentu!
Tu nun mi duni paci né risettu,
mi sentu comu rosa ‘n facci a ‘u ventu,
cu ‘na pungenti spina nta lu pettu.
Però, jò, essennu un tipu battaggheru,
statti sicuru chi ‘un t’‘a dugnu vinta,
mi cogghiu li me’ forzi e pi daveru
jò ti dimostru tutta la me “grinta.”
Nun ci pruvari chiù, ti raccumannu,
abbrucia di la menti sti pinseri,
lèvala sta ramigna chi fa dannu
e metti l’erva frisca a li me’ peri.
L’unica cosa, sai, chi mi cunsola
e lu ripetu sempri a tutti l’uri,
sippuru ‘u tempu curri e si ni vola,
lu me cunfortu è unu: “lu Signuri!”
INTERVENTO di GIUSEPPE INGARDIA
CANTO VERONICA BILLONE E MONICA D’ALEO E VUI DURMITI ANCORA
INTERVENTO di MATTIA BADALUCCO CAVASINO
MARI… DECLAMA MAURILIO SAVONA
video
Talìu ‘ncantata jò stu beddu mari
e comu ‘nnamurata batti ‘u cori,
cu forza batti, nun si po frinari
senza stu ciatu, pensu, chi si mori.
Essennu calmu, iddu, è veru beddu
e fa di specchiu pi lu suli e ‘a luna,
vasatu puru di lu “biancu aceddu”
e li varcuzzi ‘ntunnu pi curuna.
Iddu pi mia è comu un moddu lettu
dunni ci posu tutti li pinseri,
dunni ci trovu paci, lu risettu,
e a li voti ‘a forza a stari ‘n peri!
E mi disiassi essiri un gabbianu,
putiri stari ‘n menzu ‘i so’ biddizzi,
pusata supra ‘u scogghiu chiù luntanu
e notti e jornu aviri ‘i so’ carizzi.
VUGGHIA ASSASSINA DECLAMA MAURILIO SAVONA
video
È ‘na vugghia assassina
chi distruri la vita,
prima, nastru di sita,
poi, diventa ruvina.
Idda attacca li vini
e ci sbersa la menti,
‘un si scampa pi nenti,
su’ picciotti ‘n catini.
Sta la matri a li cordi
cu la manu ntâ frunti,
cu pizzudda di junti
va cusennu ricordi.
A l’asilu ‘u purtava
cu falari e cistinu,
dintra un virdi jardinu
ddu nuzzenti jucava.
E poi, ‘n colpu di ventu,
lu ramuzzu rumpìu,
p’‘a so strata si n’jiu
ma canciàu sintimentu.
Pi ‘na larma di “duci”,
pi ‘na vugghia pungenti,
chi si perdi? La menti,
p’ogni matri ‘na cruci.
LU CUMPLIANNU DECLAMA PALMA MINEO
video
Jò pensu sempri cu la nustalgìa
lu vintinovi di tant’anni fa;
lu cumpliannu di la matri mia,
di quannu, nica, ci dicia: “mamà!”
Tutti li me’ capricci accuntintavi
dànnumi di cuntinu lu to affetu;
ogni cuntrarietà m’assistimavi
e la me naca, spissu, lu to pettu.
Novanta su’ ‘i cannili d’astutari;
puru s’‘a testa nun è tutta bianca,
sentu lu cori d’‘a pena attrassari
pirchì si junta vicchiaredda e stanca.
A lu futuru megghiu un ci pinsari,
già sacciu chi ‘u to ciatu assai mi manca.
Questo sito è ottimizzato per
Microsoft Explorer 7 (e successivi) e per
Mozilla
Firefox 3 (e successivi) e per Google Crome - Risoluzione schermo 1280 x 800
.jpg "pan (63).jpg")
.jpg "pan (22).jpg")
