Quann'è ch'è l'ura c''un n'hâ chiù campari,
v''u dicu jò comu essiri urvicatu
e ora stissu vi lu staiu a nzignari:
vogghiu, nô tabbutu,na ronna a latu.

Capisciu chi vi stati addumannannu
picchì sta sfirnicia portu nta testa
ed è pi chissu chi vu staju parlannu
dannuvi, all'istanti, sta risposta:

«Di fimmini n'haiu statu sempri liccu,
qualunchi etati e puru d'ogni sorta,
essennu ddà, jò stinnicchiatu siccu,
mi passu 'u tempu a fari 'a manu morta»

Vui parulazzi nun m'aviti a diri
picchì stu disidderiu è di natura,
si puru a idda ci fa gran piaciri
allonga 'a manu puru... la signura!