Viditi chi quann'era cu li vivi,
avia sulu 'u pinzeri di schirzari,
stu vizziu lu pigghiai quannu nascivi,
vinni a stu munnu... sulu pi babbiari.

Ora pinzati vui chi ssennu mortu
dunn'è chi sugnu 'un pozzu fari 'u stissu?
Pi darivi l'annunziu e lu cunfortu,
comu buffuni... appi 'u postu fissu!

E si 'u Signuri voli ni viremu,
puru s'haju d'aspittari pi cent'anni.
Ma 'u fattu novu è chi quannu muremu
p"u ridiri... ni pisciamu ntê mutanni.

Vito Blunda 08/11/2007