Si zicchiari jò putissi
sta priziusa società,
'a mità mi la sarvassi
e di l'âtra?... Sintiti ca:

Chî buriusi cuminciassi
e cu' s'annaca caminannu,
nta na stadda li nfilassi...
cu l'armali... a lu cumannu.

Cu li bestii cuntinuassi
e cu' all'autri voli mali,
nta na vasca li mittissi
fari 'i sperti... cu li squali.

Puru ê fissa cunnannassi
chì s''a scanzanu ogni vota,
pi pagari tutti 'i tassi,
pi poi spartini... la cota.

Vito Blunda 14/10/2007