Vulissi essiri lu to suduri
pi scinniti dâ testa finu ê peri
e nta sta strata chi jò mi facissi...
du' voti, pi scialari, mi firmassi!

Certu chi lu surari 'un è un piaciri
e prima o poi è megghiu di finiri,
allura, acqua vulissi addivintari...
pi arrinfriscariti, putennuti lavari.

Dintra la to musia vulissi stari
pi dariti chiù 'ana di campari,
ma tu na cosa sula 'un ha' scurdari...
chi jò, senza di tia, 'un haiu chi fari.

Vito Blunda 23/06/2007