È Natali!
Curru puru a lu Prisepiu
cu li sèmplici pastura,
c'è cu aspetta nta dda grutta
a lu friddu e a la furtura!
Mentri vaju caminannu
sentu sonu di sampugni,
viu li stiddi risplinnenti,
lu me sguardu si cunfunni!
Sunnu Angiuli chi vòlanu,
sunnu spìriti biati
chi mi dùnanu la "nova"
cu campani e cu gluriati.
Tra ruvetti e tra macchiuna
si zittìu lu risignolu
quannu vitti dda gran luci
e di l'Angiuli lu volu!
Puru iu mi sentu stranu
e sturdutu di dda luci…
li stiddi sunnu vasci…
li toccu cu li manu.
La cumeta è lacrimusa,
la so cura è spillacchiata,
nun è cchiù comu a na vota:
risplinnenti, 'nargintata!
Si lamenta chi à Bettilemmi
vennu sulu picciutteddi
e nun ànnu la 'mpurtanza
di li granni e li putenti!
Iu ci dicu:
"senti a mia,
li granni e li putenti
nun li voli lu Missia!
Fatti splenniri sta cura,
luci comu l'àutri stiddi;
statti allegra,
dillu a tutti
chi li granni e li putenti
s'ànnu a veniri a Bettilemmi
s'ànnu a fari picciriddi!"
declama un genitore: Francesca Di Bono
Autore: Calogero Rasa
|
NOTA BIOGRAFICA
Calogero Rasa
Calogero Rasa è nato a S. Caterina Gela (PA) nel 1918.
Diede inizio alla sua produzione poetica in dialetto con l'intento di salvaguardare dall'oblio proverbi,
espressioni di saggezza popolare nel 1948 anno in cui vinse un concorso magistrale a Cerda dove iniziò
il lavoro di maestro. Tantissime le sue opere, i temi ricorrenti: l'amore per il lavoro, ricordo del
terribile periodo di prigionia, rifiuto di ogni forma di totalitarismo, rispetto per la democrazia.
È dedicato alla sua memoria il concorso letterario che ogni anno l'Associazione Culturale "La Nuova Compagnia" organizza a Cerda.
|
e-mail -
redazione@trapaninostra.it
