Chi maravigghia, chi granni alligrìa
potti pruvari cu' si ci truvava,
quannu nascìu Gisuzzu di Maria,
lu figghiu di l'Eternu chi rignava!
Lu Bammineddu poviru nascìa
ma la so puvirtà tantu dunava:
paci, sarvizza, luci, vita e via
a chidda genti ch'à Iddu aspittava.
E fu sarvizza veru pi dda genti,
ch''a la nutizia partì su l'istanti
lassannu ogni travagghiu, lu cchiù urgenti,
purtannu doni, li cchiù varianti.
Dintra na grutticedda senza nenti,
c'era sulu la luci di li Santi,
jeru a truvari a Gesù surridenti
chi pari ci dicìa: "vinìti avanti!"
Cu lu surrisu, Gesù Ridinturi,
vinni a lu munnu e cumincià a sarvari;
prima 'nvitau a l'ùmili pasturi
ma poi a li "tri Re" fici arrivari.
Davanti ad Iddu, prìncipi d'amuri,
cu li vrazzudda aperti p'abbrazzari;
anchi chi poi patì tanti turturi,
finu a la cruci vosi pirdunari.
O Ridinturi Diu, Gesù Bambinu,
Tu, chi sarvasti lu gèneri umanu,
metti sti guvirnanti a lu caminu,
li guvirnanti vicinu e luntanu
pòrtali avanti a Tia a capu chinu
e fatti cunsignari, a li to' manu,
l'armi di guerra…tragicu distinu
chi po curpìri tuttu 'u munnu sanu.
Declamano: Fabio Fortunato - Dario ... . ... - Michele Augugliaro - Evelin Iacobene
Autore: Liborio Messana
|
NOTA BIOGRAFICA
Liborio Messana
Liborio Messana è nato ad Alcamo il 4 settembre del 1923.
Agricoltore, da sempre con la passione per la poesia in dialetto siciliano, ha ricevuto numerosi riconoscimenti in vari concorsi a carattere regionale.
Molte delle sue poesie, documenti preziosi della scuola alcamese, vedono luce nella sua prima pubblicazione dal titolo: "Arcamu pueta".
Il 30 gennaio del 1987 insieme ad altri poeti alcamesi costituiva il Cenacolo "Cielo d'Alcamo" , gruppo che ancora oggi vanta un eccelsa attività culturale.
|
e-mail -
redazione@trapaninostra.it
