Pigghiai na gran bagnera
la fici mezza d'acqua
scuagghiai un pezzu chiummu
e a scoppi dda' lu ittai,
sapiti chi nisciu?
Abbisati, abbisati,
nisciu la me' cara cittati!
La me' Trapani antica
cu la ciuruta villa margherita.
Strati, casi, chiazzi e monumenti
grossi palazzi e chiesi in ogni banna
e a lu capizzu na bedda muntagna.
Tanti mulini a ventu
nta la bianca salina
|
chi a lu tramuntu
si vesti di curaddu.
A la marina...
nna fera di varcuzzi
cu nassi e rizzi sempi priparati
parinu picciriddi
nmezzu li bastimenti
quannu dintra lu portu su attraccati.
A largu dunni passanu i vapura
suvrasta la vecchia Culummara,
postu dunni ogni carciaratu
la pena amaramenti si scuntava.
Iusu a li quattru fossa
npunta di la costa,
supra all'ultimu scogghiu
c'esti na gran turri
additta sempri ammoddu,
nun sacciu cu la fici
ma è la cannila di lu me' paisi.
Sta' faucia di Ciriri,
tutta lucenti
a mari stinnigghiata,
a li peri di la Maronna
è bedda pusata.
Idda la varda
nui raccumannamu
cun ciuriteddu nmanu
la ringraziamu.
|
e-mail -