Davanti a un Danti e un Meli mi scappellu,
Mi tagghiu a testa e poi m'inchinu ancora.
Dun Giotto un Leonardo un Raffaellu,
Ma cu sti cosi mprapucchiati d'ora
Comu vi pozzu riri sissignura
Cunn'annu testa ne peri ne cura?
- * -
Chissi un su versi di lu cori sciuti.
E mancu a menti sù fantasticati.
Foru paroli chi foru liggiuti
Nda tanti libbra e poi mali cupiati.
Comu li liama chi nun su stringiuti,
Li regni li mmennu boni ndimugnati.
Comu li vacchi chi mali arrinnuti
Mancu lu mezzu latti ci livati.
Comu i giurani chi di l'acqua sciuti
Campanu picca o morinu scacciati.
Comu li robbi di li pisicuti
Cunn'hannu postu di stari appizzati.
Pi mia nun sù ne fritti e ne arrustuti,
Vu ricu chiaru su mali scafati.
|
e-mail -
