Qualcunu mi pò diri stravacanti
Pi ccomu jò nni viu la circostanza.
Qannu na donna esti interessanti
Avi disiu di milli e na pitanza.
Lu poviru maritu ch'è ngnuranti
Curri di cursa pi l'amurusanza.
E s' assuggetta nda lu stessu tempu
Chi trova puru un fruttu fora tempu.
Mittennu casu avissi lu disiu,
D'un purpu di ricotta o di miluna
Unga vi giuru comu è veru
Diu Sbroccula fora na gran fÌmminuna.
Si visciversa nvesci è lu disiu,
Di fÌcu di pateddi e di carduna
Putiti diri puru c'unnebberu
Ma nesci fora un masculu pibberu.
Si poi parlannu di la maravigghia
Secunnu l'occhiu di la simpatia
Rassumigghianza e forma assai ni pigghia
Siddu si tocca a panza e pensa a mia
Ni nesci fora na gran maravigghia,
Di forma di biddizza e puisia.
S'inveci ncontra a tia chi t'aiu addiri
Sarissi quasi megghiu d'abburtiri.
Sta matri svinturata ci tuccassi
D'aviri sta gran pena nda lu pettu
Chi pi la vita ntera nutricassi
Stu fÌgghiu fattu cu stu gran difettu.
La stadda ogni matina c'annittassi
Chi parlannu abberu cu rispettu
Si succirissi d'incuntrari a tia
Fascissi un sceccu di Pantiddiria.
|
e-mail -
