La vita è u mparamentu senza fini
E li proverbi sunnu pani e lumi,
Pi li rimarri e li mali camini
Pi li gintazzi di malu custumi.
Si pi campari sennu abbisugnassi
Pi strata quasi a nuddu s'incuntrassi.
C'è un pruverbiu anticu sicilianu
Chi munti e munti ncuntrari un si ponnu.
Però ntra omu si veni a li manu
E un c'è distanza chi mpirillu ponnu.
Però si si parlassi a na manera
S'arraggiunassi megghiu a leta scera.
La porta di Diu è a tutti aperta,
E ben venutu si ntra li Taliani
Chi zicchiaru l'anima perfetta
P'un bonu papa patri di cristiani.
Di fatti matrimoniu e viscuvatu
Di lu scelu veni cumannatu.
Ntra papa Roncalli entra Lusciani,
Chi signaru li surca di spiranza,
Tu ci si mini li simenzi umani
Pi na ricota di l'amurusanza.
Cu zappa, me ti e canta cu manera
Ogni pirata risci na priera.
Tu si la lusci di lu bon matinu.
Fuma la terra doppu la ilata,
Tuttu lu munnu ti sarà viscinu
Pi sta nurrimi megghiu guvirnata.
Lu munnu è accussi malu guvirnatu
Picchi pi stiornu sulu sà pinzatu.
Chi cosa ti pò diri chiù un poeta
Amariggiatu di la vita sua.
Vurria sta poesia chi ghissi leta
Tradotta in lingua di la patria tua.
Si nda sti versi mei c'è di profezia,
T'abbrazzu, lodi a Diu e accussi sia.
|
e-mail -
