Di Custunasci avissi di parlari
Addiri picca quasi na nuttata.
Di quarinu un si putia caminari
E si stintava a mettiri pignata.
Di quannu u marmu poi fģsci sbiddiari
L'occhi a li genti; parsi chi na fata
Sti petri in oru sappi trasfurmari.
Chi si macini trovi in ogni strata.
E a tutti banni pi lu munnu 'nteru
Trovi stu marmu e vola lu pinzeri
Nda li pirreri chi fu scimiteru
Di tanti genti umili e sinceri
Chi travagghiannu suraru pi bberu
Pi sfamari li patri li figghi e li mugghieri.
|
e-mail -
