MATRI

Quannu c'arrivai a lu scimiteru,
E a me matruzza 'nguminciai a taliari,
Mi passi l'occhi chi si ci muveru.
M'addinucchiai e 'ncuminciai a pinzari.
Dissi untra di mia al1ura è veru
Chi puru morta un si pò dispisari
Di tantu amuri e affettu assai sinceru
C'un figghiu un sapi mai contracampiari.

E' nna surgenti funna e di ricchizza assai,
C'atutti tempi duna soccu voi,
Mari d'affettu c'un finisci mai,
Li peni e chianti li trasformi in gioi,
Si doppu un'ura chi luntanu stai
Ti viri a menti e fa li passi toi.
S'è marturiata n'un s'arrenni mai
D'una li carni d'idda pi li tai.

E di li vini soi lu sangu runa
Ti cura e crisci cu filicità
Cu dda ruscizza di li so vasuna
Porta la gioia e la filiscità.
Capasci e puru d'affruntari liuna
Pi lu so amuri e la singerità.
Di matri ci nne sulamenti
una Funti subblimi di prusperità.

Quannu sta matri tu la perdirai
E' tempu persu si ciccal1a voi
Mentri ch'è viva, tenitilla assai
Forti a lu cori mentri chi lu poi.
E' l'unica cumpagna chi tu hai
Chi cunvirari poi li peni toi
Chi si sicuru un ti trarisci mai
Ti fa di scutu a li nnimisci toi.

Scerca vulilla beni veramenti,
Si puru è morta ti potrà aiutari.
Li to sciaguri pari chi li senti,
E nta la notti nsonnu ti cumpari,
Ti runa li cunsigghi chiù eccellenti
Chi nudda scola ti li pò mparari.
Ama la matri figghiu un t'inni penti
Si puru è morta nun ti la scurdari.