Di la Siscilia parti comu u rrazzu,
Sta puisia cu lu cori mmanu
Firriannu quasi tuttu lu munnazzu
Picchì ogni cantunera c'è Talianu.
Chi pati e chiangi ntra li patimenti
Luntanu di la Patria e li Parenti.
Quannu sta puisia senti vuciari
Si senti na gra nfìtta nda lu cori.
Pinsannu forsi cu mpò chiù turnari
Picchì un si sapi si luntanu mori
Luntanu di la matri la mugghieri
E nterra siddu ummetti chiù li peri.
Nasciri Siscilianu veni addiri
Ngaghiari nna dda sorti scillirata
Chi nda la terra diddu nun pò aviri
Mancu spiranza mettiri pignata.
Però si stu T alianu issi a pisu
Lu munnu ciabbastassi a con tra pisu?
Torna fratuzzu meu nda li tò cari,
Chi la megghiu ricchizza chi poi aviri
E la saluti e mpasci cu i toi stari.
Lassa lu munnu curriri e nfuddiri
Lassa chi si diverti e s'arricchisci
Di restu assai nu passa chi finisci.
|
e-mail -
