Secunnu mia l'amicu cchiù stimatu,
chi cumminissi ncasa di purtari
è lu libbru, dunni c'è stampatu
lu cori d'un pueta e ti pò dari
cunsigghiu mparamentu e custumanza
senza chi t'addumanna nna pitanza.
Ti lu poi purtari puru ntra lu lettu
ci lu poi dari a la figghia e a la mugghieri
e senza chi ti manca di rispettu
anzi, poi s'agghiorna cu pinzeri
di diri: si s'amicu nun s'innissi
sa quantu beni a tutti nni fascissi.
|
e-mail -
