'A REGGIONI

Li prucessi sunnu farsi
... ... ... ... ... ... ... ... ...
Vegnu cca propriu di l'Arsi
'unni c'era un debbutatu
ch'a procura d'Agrigentu
accusau di peculatu
e fu dintra p'un mumentu,
ma quantunqui avissi tortu
iddu fu subbitu assortu !
Li prucessi sunnu farsi
vannu rintra sulu 'i scarsi !
C'era puru 'n assissuri
cu la machina e lu 'gnuri
chi tinia 'na valiggiuna
china assai di biglittuna
chi cci retti l'esatturi
o, cusà, l'appartaturi,
ch'iddu poi ci la va a dduna
a 'na fimmina 'n pilliccia
chi paria 'na gran matruna
bona e biunna; tutta riccia.
Niatri semu comu semu
e canciari nun putemu :
li rinari e' siciliani
ci li mancianu i buttani !