ORLANTU E LU VILI PAGANU

Nn'emu avutu nna 'sti terri
tirannazzi e vicirrè
genti tinta comu a Verri
e turnari vonnu arré !
Ora Claudiu Martidduzzu
vici capu di lu ciuri
voli fari lu gadduzzu
nna la terra di lu suli !
Cu li voti di mafiusi
e di quattru opportunisti
li cchiù lari e cchiù fìtusi
di li peggiu rifurmisti
'stu spillacchiu 'mprofumatu
ch'unn è certu palatinu,
ma fu, pensu, rifurmatu
o fu fattu fantuccinu,
cu 'dda vuci di castratu
si la pigghia cu !'Orlantu
ch'a lu munnu ha dimustratu
d'unn aviri nuddu scantu
ne' di mafia ne' di nenti
mentri ad iddu, gran minnali,
già cci tremanu li renti
si trunìa p'un timpurali !