A BIPPINU TARTARU
Si sugnu bravu ancora cchiù di prima,
surgenti viva di la
puisìa
e ‘i versi
l’arrimoddu cu la rima,
caru Bippinu è puru
grazii a tia.
Mi dasti ‘n manu ‘u
cori e tanta stima
e cu lu cori,
l’arti e ‘a maistrìa,
vogghiu tuccari
st’jornu, cca, la cima
cu sti palori fatti
pi la via.
Manchi Bippinu tu
nta sta curnici
dintra stu quatru
nun c’è fantasìa,
scula pi junta puru
la virnici,
chianci sta terra
un figghiu a la stranìa.
Sta terra chi ti
voli e chi ti fici
t’aspetta
chiacennu, mi lu dissi a mia,
t’aspetta puru
l’amicu tra l’amici:
“lu mastru d’ascia
di sta puisìa”.
2002
Nino
Barone
