Tuttu chiddu c'asisti nnu criatu
unnasci s'unnè statu siminatu,
nascemu pi amari e pi gudiri
nascemu pi suffriri e poi muriri.
C'è cu nasci cu la cammisedda
e sona puru la so campanedda;
la furtuna è paci e puru la saluti
campari vecchi e gòrisi niputi.
Di la morti n'amu a fari curaggiu
picchì cca semu aceddi di passaggiu,
cu è riccu lassa beni e lassa sordi
cu è scarsu lassa sulu li ricordi.
Ninn'jemu senza scrusciu, zitti e muti
lassamu li figghioli e li niputi,
lassalli nni fa mali assai lu cori
comu si nasci accussì si mori.
|