LU ROGGIU " A CUCU' "

Cu stu cucù nun sacciu comu a ffari
chi notti e ghiornu fa sempri a cantari,
mi fa scattusarii, mi fa arraggiari
pi curpa d'iddu nun pozzu arripusari.

A me mugghieri mi fa arrisbigghiari
e poi cu mmia si metti a murritiari,
lu sonnu mentri mi lu fa straviari
e comu un baccalà mi fa agghiurnari.

Di stu roggiu nun nni pozzu cchiù
chi notti e ghiornu fa sempri "cucù",
lu giuru: quarchi vota l'abbruciari
anzi lu pigghiu e lu vva ghiettu ammari.
Si cu tò mogghi mpaci voi stari
di sti roggi nun n'accattari.