“Ridi lu suli…”
Ridi lu suli quannu è primavera
e duna ciatu a tutta la natura
d’arruspigghiari trova la manera
cu la chiù duci di la so calura.
E l’arvuli ci fannu leta cera,
vistènnusi di centu e chiù culura
‘n-tempu di nenti sunnu na ciurera
la terra è tutta china di virdura.
Puru lu cori meu c’aspetta e spera
pari chi s’arruspigghia e cu primura
comu s’arrispunnissi a na prijera
batti nfuddutu, gori e si nnamura
e l’arma m’addiventa chiù liggera…
Però ssa cuntintizza quantu dura?
Uno dei rarissimi casi in cui Lumia si concede alla contemplazione, si apre alla speranza e firma versi di grande e delicata poesia.
|
e-mail -
