Terza parte - Lavori in itinere

RIMASUGGHI

Poesie varie, ‘rimasugghi’, ritrovate nei cassetti pieni di tutto: tali e tante da riempire chissà quanti volumi. Lumia è deciso però a pubblicare solo “li megghiu rimasugghi”.
Da “Rimasugghi”:

“A la scurata”

Ormai sugnu juntu a la scurata
nun c’è chiù suli nta la vita mia,
è lotta pi la vita ogni jurnata
no, nun finisci chiù ssa camurrìa!...

Sulu la fidi conza ssa nzalata
è idda la me forza e la valìa
bàrsamu e nguentu pi st’arma appinata
chi pati tantu di malincunìa!

Li rini nun mi tennu chiù a l’additta
la ‘amma mi vùncia, lu ficatu agguanta,
la catarratta cala nto chiù beddu…

Mi vinni bona ca finìu dda fitta…
e menu mali ca lu cori canta:
di tantu ‘n-tantu fazzu lu sturneddu!