Terza parte - Lavori in itinere

LITTRI

Lumia ha raccolto in 20 anni (dal 1980) circa 2200 (con altrettante risposte da parte sua) lettere e scambi epistolari con poeti, critici ed operatori culturali. Ne ha scelto circa 800, in botta e risposta anche con Sugamele e Castiglia con i quali c’è stato un rapporto forte quanto travagliato. “Li ricordo con grande affetto e mi mancano da morire. Il loro incontro mi ha fatto crescere, pur se abbiamo avuto tanti contrasti che non mancano mai. Per loro tanto rispetto in vita e altrettanto in morte, per carità. Grazie a loro iniziai da cosiddetto poeta-popolare”.
Pagina di apertura della raccolta…

“Da quarchi annu aiu nutricatu ntra la me menti un prugettu, a diri picca ambiziusu: cògghiri tutti li littri chi aiu ricivutu di li pueti e scritturi di tutta la Sicilia, fruttu di fraterni rapporti d’arti e di puisìa - a cuminciari di l’annu 1980 a li nostri jorna - e fàrimi un grossu libru.
Si tratta di circari comu avugghi nta na granni pagghialora, cintinara di littri manoscritti ntra dicini e dicini di quaterni e quatirnuni straviati cca e ddà, a comu veni veni, casciuna casciuna…
E menumali chi sugnu unu di chiddi chi nun jettanu mai nenti! Unu di chiddi chi ha fattu sempri “scrivi e sarva” cu tantu amuri, senza mai stancarimi o scrupuliarimi d’aviri lu studiu arridduciutu un munnizzaru.
Truvari, annunca, tutti ssi fogghi, botta e risposta, sistimalli a la megghiu manera e doppu, cu tanta pacenzia e macari cu canticchia di cummentu, digitalli a lu computer e, a so tempu, avilli pronti pi dalli a la stampa. Facili a diri, troppu facili, e chi ci voli? Ma difficili a fari, veramenti difficili!
Difatti, tanti voti aiu circatu di ncuminciari cu tanta di gana, ma a picca a picca, supraniatu di milli difficoltà, ci aiu lintatu manu, pinzannu ntra di mia chi ssu travagghiu si putìa fari assai megghiu tanticchia chiù ddà, ’n-tempi di chiù calmarìa”….