“Sugnu scannaliatu”

Ammàtula mi dici stravacanti
c’un tegnu chiù nto cori ’u ducu meli,
c’un criu chiù né omini né santi
ca sugnu fattu amaru chiù d’’u feli.
Iu sugnu comu sugnu: scannaliatu,
talìu ‘u munnu e dicu: - Chi piccatu! -

Ogni palora tagghia comu n’ascia,
si parru o scrivu mi sbacantu tuttu;
s’u cafuni mi pigghia pi bardascia
iu lu talìu, ascùtu e mi ni futtu.
Iu mi nni futtu propriu pi daveru
tantu stu munnu è propriu un cimiteru!

Dicu accussì pirchì murìu l’onuri
e l’amicizia, un jornu bedda e forti,
murìu. Nun c’è chiù lu veru amuri,
sti beddi sintimenti sunnu morti.
Dunca, chi resta ancora d’avanteri?
Un popolu di morti misi ‘n-peri!

Li usi e costumi di lu passatu,
li cosi antichi comu la saggizza,
fineru. ‘U munnu è tuttu trasfurmatu,
pari un càntaru chinu di munnizza.
La bedda puisìa? Puru finìu
e certi pueti d’ora...chi schifìu!
E ntantu certi Critici gnuranti,
ssi novi scribi, si criditi a mia,
un passuluni scàncianu pi Danti
e certi fissarii pi puisìa!
Pi chissu tanti voti quannu scrivu
di certi tinirizzi sugnu privu!

Poesia oggi e poesia del futuro, poesia moderna senza rime? “La poesia - semplicizza Lumia - non ha età. Quando io recito una mia poesia datata 1954, riscuoto lo stesso successo che per una poesia attuale. La gente non si accorge della data. Non a caso Dante è sempre attuale, come Omero, il suo Ulisse e la fame di conoscenza. La vera poesia è tale sia rimata che no, in italiano o in dialetto. Punto e basta. Ignorante chi mi definisce poeta dialettale”.