LU PIANETA CERCA AIUTU

Ci su’ pirsuni bravi a pridicari:
scinziati, guvirnanti e giornalista;
ma li paroli nun servinu a sanari
li danni d’‘u pianeta chi su’ a vista.

E l’omu nun l’ascuta stu lamentu,
cuntinua la so strata e nun ci pensa;
scippannu pianti e arvuli ogni mumentu
cuntinua senza sosta l’incuscenza!

Si sciogghinu li ghiacci nta lu mari,
l’ozònu crisci senza nuddu stentu,
jò mi dumannu, ormai, chi si po’ fari?
E chianciu ‘i danni di l’inquinamentu.

E chiancìu, sì, sta terra ch’è malata
e chianciu l’omu chi ‘un ci duna aiutu!
E quantu prima cu ‘na succannata
sta terra duna l’ultimu salutu.