LU BUCU DI LU CELU

Cu lu putiri di la fantasia
mi ni vulai chi nuvuli luntanu
e n’ancilu, dda, c’era chi cusìa
e ‘n àutru chi ‘n cimava a manu a manu.

Li vitti travagghiari cu gran zelu
pi chiurìri lu “bucu di l’ozonu”
e jò chi mi truvava già nta ‘u celu
ci vosi dari ‘na aiutu bonu bonu.

Mi armaru - chi sapiti - di iritali,
di pezza, ruccheddu, filu duratu:
mi dèsiru apposta un paru d’ali
p’arripizzari stu celu sciratu!

Jò pinsai: nun lu scusi mancu ‘u ventu;
mentri chi di l’àutu leggia scinnìa
ma ‘n terra truvai arrè l’inquinamentu
“fu sulu jocu di la fantasìa”.