LU PICCIRIDDU

A tutti li pirsuni di lu munnu
jò ci vurrissi fari na dumanna:
“Virennu ‘n picciriddu niuru o biunnu,
c’è cosa megghiu, forsi, chi Diu manna?”

Taliànnu dda facciuzza surridenti
chi curri pi li strati spinsiratu,
ed ogni cori, criu, si fa cuntenti,
ringrazia ‘a matri chi ci detti ciatu.

È comu ‘n beddu ciuri a primavera,
è ‘n àlitu di ventu chi ristora,
è la ‘nnuccenza cu parola vera!

È la spiranza sì, di lu futuru,
è raggiu di lu suli a l’aurora,
dunni ti specchi quannu si a lu scuru.