DATTULI

Sti versi me’ chi nta sti fogghi stannu
sunnu paroli sciuti di lu cori,
araciu araciu pi lu munnu vannu
cu li pinseri squeti e chiddi sori.

Quannu sta palma a ‘u suli svintulìa
cu ramu d’aliva svampa la braci;
parlanu sti missaggi ‘n puisia
chi ad ogni omu vonnu diri: “paci”.

dattuli:

su’ sapuriti, duci chiù d’‘u meli,
chi st’arvulu di certu sapi dari;
lèvanu ‘n mmucca l’amaru d’‘u feli,
vogghiu a ‘u litturi farli assapurari.