Tutti ti chiamanu Santu Patri, picchì è veru, si un gran Santu. Patruni di la genti di mari. Un c'è na varca o un piscarecciu che unnavi la tò immagine e tanti varchi, portanu scrittu lu tò nomu. Quannu a notti u piscaturi nesci cu la sò varcuzza, pi piscari, s'appella a tia, picchì voli turnari ca riti china, e si trova al largu la timpesta, eccu chi ti invoca, voli aiutu pi turnari nfamigghia. E si a pisca è abbunnanti, si fa la Cruci e ringrazia Diu picchi ti fici Santu. U iornu di la tò festa fannu a gara a cu t'avi a purtari ncoddru. Tanti omini vulintirusi prima ti scinninu cu la ranni forza, e la genti in chiesa saffuddra picchì ti voli tuccari e vasari. Fora da chiesa a banda musicale sona e Tu veni purtatu fino a fora, cu l'annacata finu a quannu Ti posanu supra a vara.
Poi a vigilia da tò festa, l'addetti a vistizione, cu tantu amuri ti mettinu i paramenti d'argentu e si prontu pi ghiri in giru pi li stratuzzi di Trapani. Tutta a popolazioni ti segue e ti prea. E Tu ascuta a tutti, senti a mia, Tu chi hai a manica larga regala ràzzie a destra e a manca e i tò divoti li farai felici.